Il-manager ta’ Chelsea, Thomas Tuchel irrikonoxxa li kien diżappuntat bil-prestazzjoni offensiva tat-team tiegħu waqt it-telfa ta’ 1-0 tas-Sibt kontra Manchester City.
Goal ta’ Kevin De Bruyne għamel id-differenza fl-Etihad Stadium, u mexxa lill-leaders tal-Premier League 13-il punt fil-quċċata tal-klassifika.
Filwaqt li Tuchel kien kuntent bis-sistema difensiva tat-team tiegħu, kien inqas impressjonat bl-isforzi tagħhom fl-attakk wara li ra l-players tiegħu juru nuqqas ta’ kalma.
Waqt li kien qed jitkellem wara l-logħba, Tuchel qal: “Minħabba ċ-ċirkostanzi, jekk tħares lejn il-wirja tal-ħames difensuri u kemm tlifna players, ninsab kuntent bil-prestazzjoni, fid-difiża.
“Il-players offensivi tagħna jeħtieġ li jidhru aktar. Għandna bżonn iktar konsistenza.
Chelsea naqsu biss li jiskurjaw f’żewġ okkażjonijiet f’25 logħba, bl-okkażjoni l-oħra tkun kontra Wolverhampton Wanderers meta l-Blues kellhom każijiet multipli ta’ coronavirus.
