Ftit tal-minuti ilu, f’Villa Rundle bdiet attività li se tfakkar il-Jum Dinji tal-Qalb. Din l-attività fiċ-ċentru tar-Rabat Għawdex tibqa’ għaddejja sal-10.00am.
Dawk kollha li se jattendu se jkollhom iċ-ċans jingħataw informazjoni dwar saħħithom, jipprovaw il-pressjoni, iz-zokkor u anke l-BMR. Persuni professjonali se jkunu qegħdin jagħtu pariri lil dawk preżenti dwar kif iżommu saħħithom tajba.
Waqt l-attività li hija organizzata mir-resuscitation committee tal-Isptar Ġenerali t’Għawdex se jingħata tagħrif dwar kif wieħed għandu jċempel fuq in-numru tal-emerġenza 112.
Fost it-tagħlim edukattiv li se jkun qiegħed jingħata se ssir spegazzjoni kif wieħed jibda CPR f’każi ta’ emerġenza sakemm ħdejn il-pazjent jasal it-tim mediku.