Tifel ta’ 3 snin qed isofri minn ġrieħi gravi. Dan wara li lbieraħ għal xil-5;00 p.m., kien involut f’inċident tat-traffiku fi Triq Birbal, Ħal Balzan.
Mill-ewwel stħarriġ irriżulta li l-vittma ntlaqat minn Mercedes Benz GLA 250 E, li kienet qed tinstaq minn raġel ta’ 37 sena u residenti l-Imġarr.
It-tifel ingħata l-għajnuna minn tim mediku, ittieħed l-isptar b’ambulanza u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.