Inċident ikrah li għandu jservi ta’ tagħlima għall-ġenituri u t-tfal imfarfrin biżżejjed biex jifhmu huwa dak li seħħ fl-Iraq f’dawn il-ġranet fejn tifla tilfet idejha wara li daħlitha ħdejn ors miżmum f’zoo.
B’demm ħiereġ mill-ferita kkawżata mill-annimal it-tifla ttieħdet malajr fi sptar viċin għall-kura u ż-zoo inkwistjoni ġie ordnat li jagħlaq temporanjament ħalli jsir stħarriġ dwar il-proċeduri ta’ sigurtà pprattikati fuq il-post. Sadanittant, inbdiet anke investigazzjoni bil-għan li jkun ikkonfermat x’ġara eżatt.
Din l-aħbar ħarġet wara li tarbija tilfet ħajjitha mentri omma tinsab rikoverata f’kundizzjoni kritika fi sptar wara li ġiraffa ta’ razza rari attakkathom f’Durban, fl-Afrika t’Isfel. F’dan l-inċident li seħħ f’Kuleni Game Park, il-vittmi sofrew ġrieħi gravi ħafna tant li t-tifla ta’ sena mietet ftit wara li ħaduha b’emerġenza fl-isptar.
L-omm għadha qiegħda tiġġieled għal ħajjitha.
