Jidher li r-rabta bejn Newcastle United u l-Arabja Sawdija se tkompli tissaħħaħ dejjem aktar hekk kif it-tim nazzjonali tal-pajjiż se jkun qed jilgħab żewġ partiti ta’ ħbiberija kontra l-Kosta Rika u l-Korea t’Isfel bejn it-8 u t-12 ta’ Settembru f’St James’ Park.
Il-Magpies ħabbru wkoll li l-biljetti se jkunu biss ta’ ħames liri sterlini għall-adulti sabiex aktar spettaturi jitħajru jmorru jaraw dawn il-logħbiet.
Newcastle kellhom kamp ta’ taħriġ f’Riyad apparti li qed jirċievu sponsor qawwi mill-PIF, kumpanija mill-Arabja Sawdija.
