L-attakkant internazzjonali Ġermaniż ta’ Chelsea, Timo Werner, reġa’ ngħaqad ma’ Leipzig wara sentejn li mar jilgħab fi Stamford Bridge.
Is-somma involuta hija dik ta’ £25.4 miljuni wara li Chelsea kienu ħallsu £47.5 miljun biex jiksbu l-firma tiegħu.
Iżda l-karriera ta’ dan il-player ta’ 25 sena ma kinitx suċċess mal-Blues anzi kienet waħda ferm diżappuntanti, tant, li kienu lesti li jitilfu nofs il-flus li kienu ħallsu għalih fl-2020.
Huwa mistenni li jerġa’ jimpressjona fil-Bundesliga meta ma’ Leipzig skorja 90 goals f’156 partita.
