Mara sofriet ġrieħi gravi wara li lbieraħ għall-ħabta tal-5:00 p.m kienet involuta f’inċident tat-traffiku li seħħ fi Triq il-Korp tal-Pijunier f’San Pawl il-Baħar.
Minn stħarriġ illi sar irriżulta li kienet seħħet ħabta bejn erba’ vetturi; Mercedes li kienet qed tinstaq minn żagħżugħ ta’ 24 sena residenti San Pawl il-Baħar, Renault Zoe li fiha kien hemm żewġ nisa Spanjoli ta’ 64 sena, kif ukoll Volkswagen u Ford li kienu pparkjati.
Tim mediku ta l-għajnuna u ambulanza ħadet lill-passiġġiera tar-Renault l-Isptar Mater Dei għal aktar attenzjoni medika.
L-investigazzjonijiet tal-Pulizija għadhom għaddejjin.
