Tiny jinsab konfuż jistenna lil sidtu ġejja iżda din mietet ftit tal-ġimgħat ilu u mhux se tkun qiegħda tirritorna. Dan huwa l-appell li qiegħed jiċċirkola fil-midja bit-tama li tinstab familja ġdida għall-kelb ta’ sitt snin li huwa mlaqqam, iċċippjat, imsewwi u tajjeb biex jingħaqad ma’ klieb oħra u anke tfal.
Rita Vella Borg hija l-mara li kienet tieħu ħsieb lil Tiny. Għal bosta snin hija kienet Chairperson tal-Muscular Dystriohy Group u anke membru fil-Kunsill tad-Drittijiet tal-Persuni b’Diżabilità tas-CRPD. Hija stinkat biex ġabet ‘l quddiem is-servizz tal-assistenti personali biex il-persuni b’diżabbiltà jistgħu jibqgħu jgħixu fi djarhom bl-appoġġ meħtieġ.
