L-eks captain tal-Kolombja, Freddy Rincon, miet wara li ġarrab ġrieħi gravi f’rasu f’ħabta tal-karozzi li seħħet fil-belt ta’ Cali aktar kmieni din il-ġimgħa, qalu t-tobba tard nhar l-Erbgħa. Huwa kellu 55 sena.
Rincon, li lagħab ma’ Real Madrid u Napoli u kien plejer ewlieni matul il-ġenerazzjoni tad-deheb tal-Kolombja matul is-snin 90, sofra ġrieħi gravi f’rasu wara li l-karozza tiegħu ħabtet ma’ xarabank f’salib it-toroq abbandunat fis-sigħat bikrin tat-Tnejn filgħodu.
