Wara li tela’ mill-Grotta ta’ San Pawl, il-Papa Franġisku daħal fil-Bażilika ta’ San Pawl fir-Rabat fejn hemmhekk kellu laqgħa ma’ diversi nies fost il-morda u dawk vulnerabbli.
Hawnhekk il-Papa Franġisku ltaqa’ ma’ diversi persuni minn entitajiet differenti, fosthom mill-Caritas, Dar Bjorn, Dar Merbħa Bik u Dar tal-Providenza, fost l-oħrajn.
“Tlabtu biex iberkilna ż-żewġt idjar tagħna f’Qormi u Żebbuġ, r-residenti u min jaħdem fihom. Esperjenza wisq sabiħa mal-papa dalgħodu flimkien ma’ ftit pazjenti ta’ ALS Malta+”, qal Bjorn fl-ewwel reazzjoni tiegħu wara li ltaqa’ mal-Papa personalment fir-Rabat.
