L-Arabja Sawdija qed tissemma’ ferm matul dawn l-aħħar xhur minħabba li qed tattira numru kbir ta’ plejers Ewropej.
Wara li Cristiano Ronaldo lagħab għal Al Nassr matul dan l-istaġun u Karim Benzema li ngħaqad ma’ Al Ittihad, xi klabbs oħra tħajru javviċinaw tliet plejers internazzjonali Ġermaniżi. Dawn huma Toni Kroos, Thomas Muller u Mario Gotze. Minkejja kollox, it-tlieta li huma mhux interessati lejn dawn l-offerti u se jibqgħu jilagħbu mal-klabbs rispettivi tagħhom.
