Mosta…………….2
Floriana…………0
F’partita sabiħa u emozzjonanti mill-bidu sat-tmiem, Mosta għelbu l-isfida ta’ Floriana bl-iskor konvinċenti ta’ 2-0.
Floriana kellhom lill-kowċ Taljan Gianluca Atzori nieqes hekk kif kien qed jiskonta sospensjoni wara li tkeċċa fil-logħba precedent kontra Hamrun Spartans.
Il-Greens ħolqu l-ewwel periklu fit-12-il minuta meta Kemar Reid kellu xutt dijagonali minn ġol-kaxxa li għadda sbrixx mal-lasta.
Huma komplew jattakkaw u żewg minuti biss wara Kemar Reid għadda tajjeb lejn Jan Busuttil li kellu x-xutt dijagonali tiegħu jgħaddi ftit barra.
Kulma jmur kompla d-dominju tal-Greens u fis-27 minuta xutt minn barra l-kaxxa ta’ Aleandro Garzia għadda barra.
Iżda kontra x-xejra tal-logħob kienu Mosta li fetħu l-iskor fil-45 minuta meta wara li rċieva minn corner mogħti minn Christ Ememe, JACOB AKRONG, kien fil-post it-tajjeb fil-mument opportun u b’xamma kbira għall-goal minn taħt il-lasta tefa’ gewwa.
Fil-ftuħ tat-tieni taqsima, Mosta komplew fejn ħallew fi tmiem l-ewwel waħda u fl-54 minuta rebħu penalty meta Emiliano Callegari waqqa’ lil Zachary Grech fil-kaxxa. Mill-11-il metru nkariga ruħu l-ispeċjalista Clayton Failla li iżda ra lill-goalkeeper Bulgaru tal-Greens Georgi Kitanov isalva bi bravura wara li ntefa’ minn tulu fl-art.
Inkoraġġiti minn dan il-penalty fallut minn Mosta, Floriana, żiedu fl-andament tal-logħob tagħhom u fil-61 minuta Jan Busuttil wara li rċieva minn cross pignut ta’ Kemar Reid, kellu t-tentattiv tiegħu jistampa mal-wieqfa, b’Mosta jeħilsuha ħafif.
Fis-70 minuta, il-Greens kellhom xutt minn barra l-kaxxa ta’ Kemar Reid salvat mil-goalkeeper ta’ Mosta, Akpan.
Huma komplew jippressaw bit-tama li jħibu l-iskor indaqs u żewġ minuti biss wara Kemar Reid irċieva ballun mix-xellug qabel kellu x-xutt tiegħu jaġbat mal-wieqfa u salvat minn fuq il-linja fatali minn Akpan. biex slava goal cert.
Iżda kienu Mosta li fl-84 minuta, issiġillaw ir-rebħa permezz tat-tieni goal permezz ta’ xutt minn barra l-kaxxa tas-sostitut GLAMOUR EZIEFULE li ma ta l-ebda ċans lil Kitanov.
Mosta: 12-Ini Etim Akpan, 6-Roderick Briffa (22-Tyrone Farrugia 89), 8-Christ Ememe (21-Nathan Agius 89), 10-Linus Precious Tenebe (4-Glamour Eziefula 79), 11-Duane Bonnici (99-Ferebory Dore 89), 13-Clayton Failla, 20-Boubakary Diarra, 30-Jacob Akrong, 74-Jake Vassallo, 77-Zachary Brincat (24-Micheal Chidera Okoh 73), 98-Rodriguez Ekani Coach: Joseph Grech
Floriana: 33-Georgi Kitanov (37-Reece Cutajar 89), 2-Adam Magi Overend, 4-Oualid El Hasni, 8-Kemar Reid, 10-Jose Ulises Arias, 20-Matias Nicolas Garcia (7-Mattia Veselji 72), 26-Alen Melunivic, 28-Emilano Callegari, 30-Jan Busuttil (18-Neil Cassar 89), 40-Sindre Osestad (11-James Scicluna 72), 77-Aleandro Garzia (25-Lorenzo Trillo 78) Coach: Darren Vella
Referee: Ishamel Barbara
Ass. Rferees: Roberto Vella, Shaun Calleja
Raba’ Uffiċjal: Darryl Agius
Skorers: J. Akrong 45, G. Eziefule 84 (M)
Ammoniti: R. Briffa, J. Vassallo (M), O. El Hasni, M. Nicolas Garcia (F)
Player tal-Logħba: Kemar Reid (F)
