Il-Ħadd tibda l-aħħar parti il-Kampjonat Ewropew tas-Snooker li qed isiru f’Albufiera, l-Portugal. Din tkun il-kategorija tat-timijiet tal-irgiel fejn fiha ser jieħdu sehem sitt players Maltin, li huma ragruppati fi tliet timijiet differenti.
Fil-Portugal flimkien maċ-Champion Lokali, Aaron Busuttil, Alex Borg u Philip Ciantar issa ngħaqdu Chris Peplow, Isaac Borg u Joseph Casha li ser ikunu fost 24 tim min 13 -il pajjiz li ser jieħdu sehem fl-aħħar erba’ ġranet ta’ kompettizjoni li jiġu fi tmiemhom il-Erbgħa li ġej.
Fl-ewwel fażi, dik tal-gruppi, kull tim irid jilgħab kontra tlett pajjiżi oħra peress li b’kollox hemm tmien gruppi b’erba’ timijiet. It-tliet timijet Maltin ser ikunu ffurmati hekk; Malta 1 – Aaron Busuttil u Chris Peplow, Malta 2 – Alex Borg u ibnu Isaac Borg, Malta 3 – Joseph Casha u Philip Ciantar.
Malta 1 telgħu fil-polza fi Grupp E telgħu kontra, Polonja 2, Irlanda 1 u Ukranja 1, Malta 2 fi Grupp F iridu jilgħabu kontra l-Ġermanja, Belġju 2 u Irlanda 2 filwaqt li l-avversarji ta’ Malta 3 ser ikunu Franza 2, Polonja 3 u Portugal 1.
Matul il-jum tal-Ħadd kull tim Malti jrid jilgħab darbtejn, bl-aħħar partiti tal-gruppi isiru t-Tnejn. Dak in-nhar stess tard filgħaxija tibda l-fażi tan-knock bl-aħħar 16 -il tim.
Il-players Maltin li marru l-Portugal is-Sibt huma akkumpanjati mis-Segretarju Generali tal-Malta Billiards & Snooker Association, Lothar Mallia.
Il-fixtures tal-Ħadd li fihom ser jieħdu sehem it-tliet timijiet Maltin huma dawn:
| 11.00 a.m. | Joseph Casha/Philip Ciantar (Malta 3) | vs | Fabian Monnin/Brian Ochoiski (Franza 2) |
| 2.30 p.m. | Aaron Busuttil/Chris Peplow (Malta 1) | vs | Maciej Kusak/Sebastian Milewski (Polonja 2) |
| 2.30 p.m. | Alex Borg/Isaac Borg (Malta 2) | vs | Christian Richter/Lennart Tomei (Ġermanja) |
| 2.30 p.m. | Joseph Casha/Philip Ciantar (Malta 3) | vs | Michał Kotiuk/Michał Szubarczyk (Polonja 3) |
| 5.00 p.m. | Aaron Busuttil/Chris Peplow (Malta 1) | vs | Mark Gleeson/Benny O’Brien (Irlanda 1) |
| 5.00 p.m. | Alex Borg/Isaac Borg (Malta 2) | vs | Steven Termote/Tom Vanwelssenaers (Belġju 2) |
