Nirien li żvolġew f’showroom tal-iscooters elettriċi ġewwa l-Indja ħallew minn tal-inqas tmien persuni mejtin u 11 feruti.
Matul din is-sena kien hemm numru ta’ każijiet ta’ nirien f’showrooms li jbigħu e-scooters u skont investigazzjonijiet li kienu saru rriżulta li aktarx dawn qed iseħħu minħabba difetti fil-batteriji. F’dawn l-aħħar il-gvern Indjan ippromwova ħafna l-użu tal-e-scooters hekk kif dawn huma meqjusa bħala parti mis-soluzzjoni biex jitnaqqis it-tniġġis tal-arja f’dan il-pajjiż.
Dan l-iktar każ riċenti seħħ f’showroom li tinsab ġewwa lukanda fil-belt ta’ Secunderabad u sfortunatament jidher li l-maġġoranza tal-vittmi kienu residenti f’din il-lukanda. Minħabba l-ammont kbir ta’ duħħan li kien hemm, għadd ta’ residenti fis-sulari ta’ fuq kellhom saħanistra jiġu evakwati permezz ta’ krejn
Min-naħa tagħhom il-ħaddiema tat-tifi tan-nar kkontrollaw in-nirien f’ħin pjuttost qasir, u l-awtoritajiet bdew investigazzjoni. S’issa għadu mhux magħruf eżatt x’wassal għal dan il-każ, u lanqas hu magħruf eżatt minn fejn beda.
