Żewġ perusni kellhom jiddaħlu l-Isptar wara li kienu nvoluti f’inċident tat-traffiku fi Triq Għajn qatet fir-Rabat Għawdex.
Mill-ewwel investigazzjonijiet jirriżulta li għal xi raġuni seħħet ħabta bejn Peugeot Partner misjuqa minn raġel ta’ 37 sena mix-Xagħra, u Ford Focus li kienet misjuqa minn raġel ta’ 57 sena mix-Xagħra wkoll.
Fuq il-post mar tim mediku b’ambulanza li ħadet liż-żewġ sewwieqa l-Isptar Ġenerali t’Għawdex.
Il-kundizzjoni tagħhom s’issa għadha mhix magħrufa filwaqt li l-Pulizija qegħdin jinvestigaw dan l-inċident.
