Tottenham Hotspur jinsabu viċin li jilħqu ftehim ma’ Sporting Lisbon għall-akkwist tad-difensur, Pedro Porro. Dan tal-aħħar għandu 23 sena u qed jispikka ferm mat-tim Portugiż partikolarment fid-difiża.
Il-kowċ ta’ Tottenham Antonio Conte jogħġbu ferm l-istil ta’ dan il-plejer li wara li ngħaqad b’self għal sentejn mat-tim minn Lisbona, iffirma uffiċjalment magħhom fil-bidu tas-sena l-oħra.
Porro ddebutta riċentement mat-tim nazzjonali Spanjol u ħafna qed iqisuh bħala plejer li se jħalli impatt kbir fil-futur.
