Tottenham ħabbru li ffirmaw lill-goalkeeper Guglielmo Vicario mingħand Empoli għal £17-il miljun.
Spurs kienu ilhom ifittxu s-suċċessur tal-captain Hugo Lloris, li qed joqrob lejn l-aħħar 12-il xahar tal-kuntratt tiegħu u aktar kmieni dan ix-xahar għamilha ċara x-xewqa tiegħu li jrid sfida ġdida.
Filwaqt li saru diskussjonijiet man-numru wieħed ta’ Brentford David Raya dwar possibbiltá li jmur jilgħab f’Tottenham Stadium, Spurs xeħtu l-interess fuq il-goalkeeper Taljan minħabba li t-talba ta’ Brentford kienet dik ta’ £40 miljun.
