Aħbar kerha ħafna għall-eks President Amerikan u negozjant kbir Donald Trump hija dik li jekk jinstab ħati issa jista’ jeħel sa 100 sena ħabs. F’dikjarazzjoni li xandar Trump saħaq li huwa innoċenti u sostna li, “m’għamilt xejn ħażin. Se nibqgħu niġġielduha kif għamilna f’dawn l-aħħar seba’ snin. Ikunn ideali kieku niddedikaw il-ħin biex għal darb’oħra nagħmlu l-Amerika nazzjon kbir”.
Is-sentenza l-ewwel tip ta’ din ix-xorti fejn jidħlu Presidenti Amerikani, tista’ tingħata jekk Donald Trump jinstab ħati fuq is-seba’ akkużi li għalkemm m’hemmx dettalji fuqhom l-avukat tal-akkużat semma’ spjunaġġ.
Trump sar jaf li jista’ jqatta’ l-bqija ta’ ħajtu f’ċella minħabba din il-kawża kontrih i New Jersey u ma damx biex tella’ vidjow jiddefendi lilu nnifsu. Huwa qal li jinsab iddispjaċut ħafna li bħala nazzjon qabdu t-triq tan-niżla u qiegħed “jinħela” l-ħin f’tentati biex ikissru president tajjeb. Ovvjament, Trump irrefera għalih.
Dan l-eks President Amerikan qal li “ovvjament fil-qorti se niddikjara l-innoċenza tiegħi”.
Minn informazzjoni fuq il-mezzi tax-xandir qiegħed jingħad li l-akkużi ta’ spjunaġġ huma marbuta ma’ dokumenti klassifikati u li Trump “żelaq” meta sar jaf li se jittieħdu passi legali serji kontrih.
