Fl-aħħar diskors tiegħu qabel telaq mill-White House, Donald Trump wiegħed li se jkun qiegħed “jerġa’ lura”.
Intant hekk kif minn hawn u ftit tas-sigħat oħra se tkun qiegħda tibda l-inawgurazzjoni tal-President elett Joe Biden, Trump se jkun qiegħed jipprepara biex jivvjaġġa lejn Florida. Huwa qal lill-partitarji tiegħu li kien unur kbir għalih li jservi bħala l-President tagħhom.
Trump se jkun l-ewwel President li ma jattendix għaċ-ċerimonja tas-suċċessur tiegħu sa mill-1869 iżda fid-diskors aħħari tiegħu awgura lill-amministrazzjoni l-ġdida kull suċċess.
