L-organizzaturi tat-Tazza tad-Dinja fil-Qatar ntlaqtu bi pretensjonijiet ta’ ‘ipokresija totali’ wara li pprojbixxew lill-partitarji milli jixorbu birra fl-istadia matul it-tournament.
Il-bejgħ tal-alkoħol huwa kkontrollat b’mod strett fil-Qatar, li kellhom jistipulaw ir-regolamenti tagħhom biex jippermettu lill-isponsors tal-FIFA Budweiser ibigħu l-birra barra l-grounds u fiż-żoni tal-partitarji.
Din il-miżura ġiet kompletament abolita jumejn biss qabel il-bidu tat-Tazza tad-Dinja … hekk kif il-partitarji li diġá kienu vvjaġġaw lejn il-Qatar kellhom l-impressjoni li kienu se jitħallew jixorbu.
Madankollu l-uffiċjali tal-Qatar minn dakinhar ġew ikkritikati bl-ikrah li ntwerew filmati li l-istess nies li mponew li l-birra se tkun projbita matul dan it-tournament, kienu f’festin tal-FIFA li sar f’Doha, wara t-tlugħ tal-poloz tal-fażi finali aktar kmieni din is-sena, fejn kien hemm xampanja kif ukoll kull tip ta’ alkoħol … u l-biċċa l-kbira kienu qed jixorbu qishom kienu qed jixorbu l-ilma.
Lejn tmiem dan il-festin kien hemm min mill-mistednin li saħansitra kienu xurbana fejn telgħu fuq il-palk ikantaw “Ole, ole, ole, Qatar, Qatar.”
Din qajmet fermet sħiħ bejn il-partitarji tat-timijiet kollha li jinsabu fil-Qatar fejn ħafna minnhom qed jitolbu biex jiġu rifondati l-flus lura biex jitilqu lejn pajjiżhom.
