Marokk ………. 1
Kolumbja ……. 0
Il-Marokk kitbu l-istorja meta, kontra kull mistenni, għaddew għall-Aħħar 16 ta’ din il-kompetizzjoni b’rebħa ta’ 1-0 fuq il-Kolumbja.
Mingħajr ma jitnaqqas l- ebda mertu lill-Marokkini, il-kwalifikazzjoni tagħhom waslet minħabba li l-Ġermanja naqsu milli jirbħu lill-Korea t’Isfel.
Bla dubju, Anissa Lahmari, saret l-eroj tal-Marokk meta fir-raba’ minuta tal-ħin miżjud tal-ewwel taqsima hija skorjat minn rebound wara li l-penalty tal-captain, Ghizlane Chebbak, ġie salvat parzjalment mill-goalkeeper, Catalina Perez.
Ta’ min isemmi wkoll li l-Marokk huma l-uniku team mit-tmien debuttanti li ħadu sehem f’dan it-tournament li avvanzaw għar-round li jmiss.
Kienu biss il-Filippini, New Zealand u l-Portugall li resqu viċin li jilħqu l-istadju eliminatorju.