NIĠERJA ………0
KANADA ……….0
Fit-tielet partita tat-Tazza tad-Dinja tan-Nisa 2023 li qed issir fl-Awstralja u fi New Zealand, in-Niġerja u l-Kanada temmew fi draw ta’ mingħajr goals.
Bla dubju, dan ir-riżultat ikkuntenta l-aktar lin-Niġerja wara li ffaċċjaw u ssieltu kontra ċ-champions Olimpiċi u minn fost il-favoriti li jirbħu din il-kompetizzjoni.
Għall-Kanada, dan kien riżultat mill-aktar diżappuntanti u speċjalment għal Christine Sinclair, li tilfet iċ-ċans li ssir l-ewwel player li skorjat f’sitt Tazzi tad-Dinja tal-FIFA.
Hija ġiet mċaħħda mill-goakeeper Niġerjan, Chiamaka Nnadozie, li kienet providenzjali għat-team tagħha biex evitat goal ċert.
Peró, din il-logħba ntemmet fuq nota negattiva meta fit-98 minuta tkeċċiet in-Niġerjana Deborah Abiodun għal foul ikrah fuq Ashley Lawrence
