Arġentina …….0
Svezja …………2
L-Isvezja għelbu lill-Arġentina bl-iskor ta’ 2-0 biex kisbu punti massimi minn tliet logħbiet u issa jippreparaw għal-logħba kontra l-Istati Uniti, fl-Aħħar 16.
L-Isvediżi għamlu xejn inqas minn disa’ bidliet u minkejja li ma kienux fl-aqwa tagħhom xorta waħda kienu tajbin biżżejjed biex rebħu lill-Arġentini li spiċċaw fil-qiegħ ta’ dan il-grupp, b’punt wieħed biss.
Huma rreżistew għal aktar minn siegħa iżda ċedew fis-66 minuta meta Rebecka Blomqvist sabet l-ispazju mill-cross ta’ Sofia Jakobsson biex fetħet l-iskor għall-Isvediżi.
Imbagħad, eżatt fid-90 minuta huma rduppjaw minn penalty ta’ Elin Rubensson wara li Blomqvist ġiet iffawljata fil-kaxxa.
