Id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika qed tavża li dawn il-prodotti m’għandhomx jittieħdu għaliex instab li fihom ingredjent mhux awtorizzat, magħruf bħala Batel nut (Areca catechu).
L-ingredjent imsemmi huwa kkunsidrat li jagħmel ħsara għas-saħħa tant li huwa kklassifikat mill-IARC (Aġenzija Internazzjonali dwar ir-Riċerka fuq il-kanċer) bħala Karċinoġenu – Grupp 1, jiġifieri karċinoġenu għall-bniedem.
Għal aktar informazzjoni, il-pubbliku jista’ jċempel lis-Servizzi tal-Ispettorat tas-Saħħa fuq numru tat-telefon (2133 7333) bejn it-8:00 a.m u s-2:30 p.m jew jibgħat e-mail fuq [email protected].
