Malta ……..…0
Skozja ………5
Minn Cristian Muscat
It-team Malti ta’ Taħt il-21 sena ġie megħlub minn dak Skoċċiż bl-iskor kbir ta’ 5-0 f’partita valida mir-round ta’ kwalifikazzjoni tal-Kampjonat Ewropew 2025.
Hekk kif wara biss kwarta l-logħba kienet diġá mirbuħa u mitlufa meta l-avversarji tagħna fetħu vantaġġ ta’ tliet goals, il-partita ġiet trasformata f’sessjoni ta’ taħriġ.
Fil-veritá, kienet evidenti d-differenza taż-żewġ timijiet. Filwaqt li l-Iskoċċiżi għandhom il-lussu tal-għażla tal-players minn kampjonati differenti fl-Ewropa … dik tal-coach, Ivan Woods, hija limitata għall-aħħar fejn wieħed irid jistaqsi kemm players ta’ Taħt il-21 sena jingħataw iċ-ċans li jilagħbu fil-Premier League. Dik hija s-sitwazzjoni tagħna!!
L-Iskoċċiżi ma setgħux kellhom bidu aħjar meta wara biss żewġ minuti huma fetħu l-iskor meta mill-cross ta’ Ewan Wilson, id-difensur Malti, Matthew Ellul, ikkommetta auto-goal fit-tentattiv li jikklerja l-periklu.
Il-Maltin għamlu reazzjoni mmedjata u minuta wara Mattia Veselji ħarab waħdu u ġie ffawljat barra l-kaxxa mill-goalkeeper, Cieran Slicker, li kien fortunat li ntwera biss il-karta s-safra.
Fid-disa’ minuta, l-Iskoċċiżi rduppjaw meta mill-cross ta’ Lennon Miller, Dane Murray ħareġ minn bejn id-difiża Maltija u b’daqqa ta’ ras għeleb lill-goalkeeper Matthias Debono.
Fis-17-il minuta, l-Iskoċċiżi għamluhom tlieta meta indeċiżjoni fid-difiża Maltija ppermettiet lil Josh Mulligan jikkonkludi fix-xibka liema goal seta’ ġie evitat.
Fl-ewwel attakk denju ta’ Malta, fis-27 minuta, Andrea Zammit ħarab fuq il-linja leminija, daħal fil-kaxxa u għadda lejn Basil Tuma li għamel l-impossibbli meta xeħet barra minn quddiem lasti vojta.
Fit-42 minuta, l-Iskoċċiżi resqu ferm viċin iżda ssikkat minn Zean Leonardi, Jeremiah Mullen kien żbilanċjat biex ikkonkluda ħażin.
Fis-57 minuta, il-Brittaniċi skorjaw ir-raba’ goal minn daqqa ta’ ras ta’ Lennon Miller li kkonkluda mill-cross ta’ Daniel Kelly.
Fis-70 minuta, il-Maltin kienu sfortunati meta Jake Micallef ġie mċaħħad mil-lasta.
Peró fit-82 minuta, l-Iskoċċiżi skorjaw il-ħames goal meta mill-cross ta’ Miller, id-difiża Maltija nqabdet statika biex Lewis Neilson xeħet fix-xibka.
MALTA: 1-Matthias Debono, 2-Zean Leonardi (19-Matteo Gambin 88), 5-Matthew Ellul (22-James Vella 76), 7-Mattia Veselji (15-Isaiah Chukunyere 58), 8-Dylan Scicluna, 9-Basil Tuma (21-Daniel Letherby 76), 10-Andrea Zammit, 13-Nikolai Micallef (6-Karl Mohnani 76), 16-Jake Micallef, 17-Sven Xerri, 18-Andrew Borg – Coach: Ivan Woods
SKOZJA: 1-Cieran Slicker, 2-Max Johnston, 5-Dane Murray (14-David Watson 46), 8-Lennon Miller, 11-Adedire Mebude (9-Bobby Wales 75), 15-Josh Mulligan (22-Calvin Ramsey 75), 16-Lewis Neilson, 17-Lyall Cameron (18-Miller Thomson 85), 19-Kieron Bowie (10-Daniel Kelly 36), 20-Jeremiah Mullen, 23-Ewan Wilson
REFEREE: Edgars Malcevs (Latvja)
ASS. REFEREES: Martins Svipsts, Deniss Sevcenko (Latvja)
RABA’ UFF: Aleksandrs Anufrijevs (Latvja)
SKORERS: M. Ellul 2 o.g., D. Murray 9, J. Mulligan 17, L. Miller 57, L. Neilson 82 (S)
AMMONITI: C. Slicker, L. Neilson, J. Mulligan, A. Mebude (S); M. Veselji (M)