UNGERIJA… 2
MALTA…….. 1
Wirja qalbiena mit-team nazzjonali Malti ta’ Taħt il-21 sena ma kinetx biżżejjed hekk kif fir-round ta’ kwalifikazzjoni tal-Kampjonat Ewropew, safa megħlub bl-iskor ta’ 2-1 mill-Ungerija.
Kienu dawn tal-aħħar li ħolqu l-ewwel attakk, fis-seba’ minuta, iżda minn pożizzjoni ideali, Barna Benczenleitner falla l-mira.
Il-Maltin wieġbu ħames minuti wara permezz ta’ freekick ta’ Mattia Veselji u mir-rebound Isaiah Chukunyere xeħet barra.
Iżda, sekondi biss wara, l-Ungerija fetħu l-iskor permezz ta’ ANDRAS NAMETH li minn qagħda tajba ma ħafirx.
Fil-25 minuta, il-Magyars irduppjaw meta Barna Benczenleitner ipprovda l-assist lil ZSOMBOR GRUBER li kien pront għeleb lill-goalkeeper Malti, Hugo Sacco.
Tliet minuti wara l-mistrieħ, il-Maltin ingħataw penalty meta l-goalkeeper, Armin, Pecsi wettaq foul fil-kaxxa fuq Kurt Bondin. Mill-11-il metru, ANDREA ZAMMIT, xeħet fir-rokna tax-xibka hekk kif tefa’ lill-goalkeeper fuq in-naħa opposta.
Ungerija:: 12-Armin Pecsi, 8-Petar Barath, 2-Antal Yaakobishvili, 6-Mark Csinger, 7-Gyorgy Komaromi (23-Vajda Botond 88), 18-Michael Okeke (14-Tamas Szucs 63), 5-Mark Kosznovsky, 20-Milan Vitalis (17-Csanad Vilmos Denes 63) , 19-Barna Benczenleitner, 21-Zsombor Gruber (10-Dominik Kocsis 63), 8-Andras Nameth (11-Milan Gabor Klausz 93) – Coach: Zoltan Szelesi
Malta: 12-Hugo Sacco, 2-Zean Leonardi (6-Karl Mohnani 85), 17-Sven Xerri, 16-Jake Micallef, 3-Owen Spiteri, 15-Mattias Ellul (13-Nikolai Micallef 85), 10-Andrea Zammit (14-Matthew Debattista 72), 20-Kurt Bondin, 18-Andy Borg, 21-Isaiah Chukunyere (9-Jake Engerer 82), 7-Mattia Veselji – Coach: Ivan Woods
Referee: Mervan Bejtullahu (Kosovo)
Ass. Referees: Fatmir Sekiraqa, Arbnor Bullatovci (Kosovo)
Raba’ Uffiċjal: Mentor Ajeti (Kosovo)
Skorers: A. Nemeth 13, Z. Gnuber 25 (U), A. Zammit pen. 48 (M)
Ammoniti: M. Csinger, G. Komaromi, A. Pecsi (U), M. Veselji, M. Debattista (M)
