UCL: Paris St-Germain umiljati minn Newcastle United

Meta ntlagħab it-tieni programm tat-tieni ġurnata tal-Fażi tal-Gruppi tal-UEFA Champions Lea­gue, Newcastle United serqu x-xena meta umiljaw lil Paris St-Germain bl-iskor ta’ 4-1. 

Grupp E

Atletico M. v Feyenoord  – Atletico Madrid telgħu fil-quċċata ta’ dan il-grupp meta f’darhom dawru telfa f’rebħa meta għelbu lil Fe­yenoord bl-iskor ta’ 3-2. 

Il-goals tal-Olandiżi was­lu minn auto-goal ta’ Mario Hermoso (7) u David Han­cko (34) iżda Alvaro Morata (12, 47 u Antoine Griezmann (45) taw it-tliet punti lit-team immexxi minn Diego Simeone.

Celtic v Lazio  – Barra minn darhom, Lazio kisbu rebħa drammatika meta għelbu lil Celtic 2-1. 

Kien Kyogo Furuhashi (12) li fetaħ l-iskor għall-Iskoċċiżi iżda Matias Vecino (29) u Pedro (95) taw it-tliet punti lil Lazio. 

Grupp F

Borussia D. v Milan  – F’partita bilanċjata, Borussia Dortmund u Milan spiċċaw fi draw ta’ mingħajr goals. 

Newcastle v Paris SG  – Newcastle laqgħu lil Paris St-Germain u għelbuhom bl-iskor ta’ 4-1 biex prattikament dan kien riżultat umiljanti għall-Franċiżi. 

L-iskorers tal-Magpies kieu Miguel Almiron (17), Dan Burn (39), Sean Longstaff (50) u Fabian Schar (94) … filwaqt li Lucas Hernandez (56) wieġeb għall-Pariġini. 

Grupp G

Red Star v Young Boys  – Red Star laqgħu lil Young Boys tal-Isvizzera u spiċċaw fi draw ta’ 2-2.

Cherif Ndiaye (35) u Osman Bukari (88) skorjaw għas-Serbi filwaqt li  Filip Ugrinic (48) u Cedric Itten (61 pen) skorjaw għal Young Boys. 

Leipzig v Man City  – Iċ- champions renjanti Ewropej, Manchester City, barra minn darhom għelbu lil Leipzig bl-iskor ta’ 3-1. 

Kien Phil Foden (21) li fetaħ l-iskor iżda Lois Openda (48) kiseb id-draw għal Leipzig.  Peró Julian Alvarez (84) u Jeremy Doku (94) aċċertaw ir-rebħa għas-City.

Grupp H

Antwerp v Shakhtar  – It-team Ukren ta’ Shakhtar Donetsk mar il-Belġju u dawwar telfa f’rebħa ta’ 3-2 kontra Antwerp. 

Wara li Arbnor Muja (3) u Michel Ange Balikwisha (4) taw vantaġġ doppju lil Antwerp, Shakhtar skorjaw tliet goals minn doppjetta ta’ Danylo Sikan (48, 76) u Yaroslav Rakitskiy (71). 

Fil-ħin miżjud, Antwerp fallew okkażjoni tad-deheb li jiksbu l-goal tad-draw meta Toby Alderweireld falla pe­nalty. 

Porto v Barcelona  – Barcelona marru fil-belt ta’ Oporto u għelbu lil FC Porto bl-iskor ta 1-0, bl-uniku goal tal-partita jasal minn Ferran Torres (45).  Huma kellhom lil Gavi mkeċċi fil-ħin miżjud.