Cesc Fabregas baqa’ jżomm saqajh mal-art minkejja r-rebħa kbira ta’ 4-1 ta’ Como fuq RB Leipzig fid-debutt storiku tagħhom fil‑UEFA Champions League.
Il‑prestazzjoni kienet ideali: Martin Baturina, Anastosios Douvikas, Assane Diao u Maximo Perrone – kollha players li kienu parti mit-tim tas-sena li għaddiet – skorjaw u wrew li l-progress Ewropew kien frott ix-xogħol tagħhom.
L-uniku nota negattiva kienet il-goal ta’ Andrija Maksimovic, iżda Como xorta waħda baqgħu l-unika skwadra Taljana li rebħet fl-ewwel ġurnata.
Fabregas qal li l-ferħ idum ftit biss, għax issa jridu jħejju għall-konfront ma’ Parma, u enfasizza li s-Serie A tibqa’ l-prijorità assoluta. Huwa wissa li l-enerġija taċ-Champions League ma tistax tfixkel il-konsistenza fil-kampjonat, u li l-mentalità se tkun kruċjali fi staġun twil u diffiċli.
Huwa faħħar lil Baturina għall-viżjoni u l-libertà kreattiva tiegħu, u spjega li l-bidliet tattici – bħall-ħames difensuri – kienu meħtieġa biex jikkontrollaw il-mumenti kritiċi tal-logħba, speċjalment meta Leipzig bidlu s-sistema u żiedu l-intensità.
Fabregas ammetta li Como għadhom proġett f’evoluzzjoni, b’ħafna players ġodda li jeħtieġu żmien biex jidħlu fis-sistema.
Madankollu, jemmen li l-potenzjal tagħhom, flimkien ma’ paċenzja u mentalità b’saħħitha, jistagħu jwassalhom għal livelli għoljin.
