Meta ntlagħab it-tieni programm tat-tielet ġurnata tal- UEFA Nations League, fil-logħba tal-ġurnata Franza u l-Italja temmew fi draw ġust ta’ 1-1.
Fid-disa’ minuta, l-Italja resqu ferm viċin li jiftħu l-iskor meta azzjoni mibdija minn David Frattesi spiċċat għand Moise Kean li minn quddiem il-lasti ra lill-goalkeeper, Mike Maignan, iwettaq save kbir.
Fit-23 minuta, il-Franċżi ġew imċaħħda milli jiftħu l-iskor meta Michael Olise xeħet cross bil-ballun jaħbat ma’ sieq id-difensur, Giorgio Scalvini, u jistampa mal-mimduda.
Fit-tielet minuta tat-tieni taqsima, il-goalkeeper Gianluigi Donnarumma, kien providenzjali għall-Italja meta l-ewwel imblokka parzjalment it-tentattiv ta’ Desire Doue u b’riflessi impekkabbli salva x-xutt ta’ Ousmane Dembele mir-rebound.
Peró, Rayan Cherki u Michael Olise kien theddida kontinwa għad-difiża Taljana meta bdew isibu l-ispazji, li iżda, ma setgħux jikkonkludu … sakemm fil-55 minuta, iż-żewġ players ikkombinaw flimkien biex il-Franċiżi fetħu l-iskor.
Huma rebħu free-kick, b’Cherki jqarraq b’kulħadd u għadda lejn Michael Olise li kien viċin tiegħu u b’xutt imdawwar ħabat ma’ taħt il-mimduda u spiċċa fix-xibka, b’Donnarumma megħlub għal kollox.
Iżda, fit-68 minuta, minn azzjoni mejta t-Taljani kisbu d-draw meta Lucas Da Cunha seraq il-ballun lid-difensuri Franċiżi li ppruvaw jtellgħu l-ballun minn wara u għadda mill-ewwel lejn Alessandro Bastoni li avvanza u għeleb lill- goalkeeper Franċiż.
Fil-85 minuta, Franza spiċċaw jilagħbu bi player inqas meta tkeċċa Dayot Upamecano, għal żewġ karti sofor, iżda l-iskor baqa’ ma nbidilx sas-suffara finali.
