Illum jintlagħab it-tieni leg tas-semi-finali tal-UEFA Europa League bil-konfront bejn Sevilla u Juventus jisraq l-attenzjoni.
L-Ispanjoli, li rebħu din il-kompetizzjoni sitt darbiet, jibdew favoriti minħabba li se qed jilagħbu quddiem il-partitarji tagħhom wara d-draw ta’ 1-1 f’Turin hekk kif il-Bianconeri salvaw ir-riżultat proprju fis-97 minuta minn Federico Gatti wara li Youssef En-Nesyri fetaħ l-iskor fl-ewwel taqsima.
Peró kulħadd huwa konxju tal-qawwa li jippossjiedu Juventus u għaldaqstant żgur li se jqumu għall-okkażjoni biex jirbħu dan l-unur wara nuqqas ta’ 30 sena meta l-aħħar darba li għamlu dan kien fl-1992/93.
Fis-semi-finali l-oħra, Roma jmorru għand Bayer Leverkusen u jieħdu magħhom vantaġġ ta’ 1-0, grazzi għal goal ta’ Eduardo Bove.
Dan huwa konfront miftuħ beraħ iżda l-Giallorossi jistgħu jiddispjaċihom wara li huma ddominaw l-ewwel leg iżda ma rnexxielhom jirbħu bi skor akbar għax fallew ħafna ċansijiet.
