Illum, f’12.00 pm, fil-kwartieri ġenerali tal-UEFA, f’Nyon, l-Isivizzera, se jittellgħu l-play-offs tal-kwarti-finali kif ukoll il-play-offs tal-promotion/relegation fejn Malta tkun taf l-avversarji tagħha fil-play-offs ta’ League C/D
Il-poloz, li se jikkonsistu f’erba’ taqsimiet, se jittellgħu f’din l-ordni:
League C/D play-offs
L-ewwel polza se tiddetermina l-play-offs ta’ League C/D. Iż-żewġ timijiet l-aħjar klassifikati fir-raba’ post minn League C se jkunu seeded u jitpoġġew f’Pot 1.
Imbagħad jittellgħu kontra wieħed miż-żewġ runners-up minn League D, li jkunu f’Pot 2.
It-timijiet minn Pot 2 jittellgħu l-ewwel u jitqiegħdu fl-ewwel pożizzjonijiet disponibbli. Ladarba ż-żewġ timijiet mhux seeded ikunu ttellgħu, iż-żewġ timijiet f’Pot 1 itemmu l-pari tal-play-off. It-timijiet ta’ Pot 1 se jilagħbu f’darhom fit-tieni legs.
It-timijiet fil-polza huma:
– League C (it-tielet post): Lussemburgu u Latvja.
– League D (it-tieni post): Ġibiltá u Malta.
League b/c play-offs
It-tieni polza tiddetermina l-play-offs ta’ League B/C. L-erba’ timijiet li spiċċaw fit-tielet post minn League B huma seeded u jiffurmaw Pot 1, bl-erba’ runners-up minn League C jkunu f’Pot 2.
It-timijiet minn Pot 2 jittellgħu l-ewwel, bit-timijiet seeded f’Pot 1 jittellgħu wara, li se jilagħbu f’darhom fit-tieni legs.
Skond id-deċiżjoni rilevanti tal-Kumitat Eżekuttiv tal-UEFA, il-Kosovo ingħataw telfa ta’ 3-0 kontra r-Rumanija biex temmew fit-tieni post wara li l-Kosovani telqu ‘l barra fl-imsemmija partita.
It-timijiet fil-polza huma:
– League B (it-tielet post): Georgia, Irlanda, Slovenja u Islanda.
– League C (it-tieni post): Slovakkja, Kosovo, Bulgarija u Armenja.
League A/B play-offs
It-tielet polza tiddetermina l-play-offs minn League A/B.
L-erba’ timijiet li spiċċaw fit-tielet post f’League A huma seeded u jiffurmaw Pot 1, bl-erba’ runners-up minn League B ikunu f’Pot 2.
It-timijiet minn Pot 2 jittellgħu l-ewwel, bit-timijiet seeded f’Pot 1 imbagħad jittellgħu biex jgħaqqdu l-kwadru kollu. It-timijiet ta’ Pot 1 se jilagħbu f’darhom fit-tieni legs.
It-timijiet fil-polza huma:
– League A (fit-tielet post): Skozja, Belġju, Ungerija u Serbja.
– League B (fit-tieni post): Ukrajna, Greċja, Awstrija u Turkija.
KWARTI-FINALI
Ir-raba’ u l-aħħar polza tiddetermina l-kompożizzjoni tal-fażi tan-knockout ta’ League A, jiġifieri, il-kwarti-finali.
L-erba’ rebbieħa tal-grupp jitpoġġew f’Pot 1. L-erba’ runners up jiffurmaw Pot 2 u jittellgħu l-ewwel.
It-timijiet f’Pot 1 jittellgħu sussegwentement, bir-restrizzjoni li r-rebbieħa tal-grupp ma jistgħux jittellgħu kontra r-runner-up li diġà ffaċċjaw matul il-fażi tal-kampjonat.
Imbagħad, għall-poloz tas-semi-finali, jitħejja pot ieħor, li jkun fih erba’ timijiet li jirrappreżentaw ir-rebbieħa tal-kwarti-finali.
Kull post li jittella’ l-ewwel se jkun it-team home tal-ewwel semi-finali. It-tieni team imtella’ se jkun it-team home tas-semi-finali l-oħra.
It-team li jittella’ t-tielet se jkun it-team away tal-ewwel polza, u l-aħħar team li jittella’ jkun it-tieni wieħed away.
It-timijiet fil-polza huma:
– Rebbieħa: Portugall, Franza, Ġermanja u Spanja.
– Runners-up: Kroazja, Italja, Olanda u Danimarka.
Il-kwarti-finali u l-play-offs ta’ Leagues A/B u B/C se jintlagħbu fuq żewġ legs fl-20 u fit-23 ta’ Marzu, 2025.
Il-play-offs ta’ League C/D li fihom hemm involuta Malta, se jintlagħbu fuq żewġ legs fis-26 u fil-31 ta’ Marzu, 2025.
Is-semi-finali ta’ League A, jintlagħbu fl-4 u fil-5 ta’ Ġunju, 2024.
Il-partita għat-tielet post u l-finali jintlagħbu fit-8 ta’ Ġunju, 2025.
