Il-USS Hershel “Woody” Williams (ESB 4) daħal f’Malta fejn se jkun qiegħed jieqaf hawn għal diversi ġimgħat biex isiru xogħlijiet ta’ manutenzjoni li jiżguraw li l-vapur ikun konformi mar-rekwiżiti tas-sikurezza tal-ħajja fuq il-baħar u tal-protezzjoni ambjentali.
Iż-żjara ta’ manutenzjoni tal-vapur, it-tieni waħda tax-xorta fl-aħħar sena, tippromwovi s-sħubija marittima bejn l-Istati Uniti u Malta, filwaqt li tikkontribwixxi wkoll b’mod sinifikanti għall-ekonomija Maltija. L-Istati Uniti tapprezza l-kompetenza teknika, offruta lill-USS Hershel “Woody” Williams (ESB4) f’Malta, li mhix disponibbli f’ħafna postijiet oħra.
Il-USS Hershel “Woody” Williams (ESB-4) baħħar lejn Malta wara l-parteċipazzjoni
tiegħu fir-rispons ta’ emerġenza għat-terremot devastanti fit-Turkija. L-ekwipaġġ tal-vapur wassal provvisti ta’ għajnuna għad-diżastri, inklużi 100 pallet ta’ provvisti li jikkonsistu fi prodotti tal-iġjene, ħwejjeġ, kutri, kerrikots, kits ta’ kumdità u aktar.
USS Hershel “Woody” Williams (ESB 4), bażi tal-baħar spedizzjonarja tal-klassi Lewis B. Puller, tipprovdi appoġġ iddedikat għal kontromiżuri tal-mini fl-ajru, missjonijiet spedizzjonarji, missjonijiet kontra l-piraterija, sigurtà marittima, assistenza umanitarja u għajnuna għad-diżastri. L-ekwipaġġ huwa tim ibridu ta’ membri tas-servizz militari u baħħara tas-servizz ċivili tal-Military Sealift Command (MSC) (CIVMARs). Il-Kaptan Lenard Mitchell huwa l-Uffiċjal Kmandant.
