Meta kien qed iwieġeb xi domandi mis-segwaċi tiegħu b’mod dirett fuq il-pjattaforma Instagram, l-eks gowlkiper internazzjonali Taljan Walter Zenga qal li Inter iridu jagħmlu minn kollox sabiex iġibu gowlkiper tajjeb, l-istess bħalma kellhom f’dawn l-aħħar snin b’Samir Handanovic u Andre Onana.
Hu semma’ lil Anatoliy Trubin, gowlkiper Ukren li jaf ikun ideali bejn il-lasti ta’ Inter. Dan il-gowlkiper jilgħab ma’ Shaktar Donetsk u kien prominenti fl-istaġun tajjeb li kellu t-tim Ukren.
Meta mistoqsi dwar iż-żmien li qatta’ ma’ Inter, Zenga qal li jirringrazzja lil Bambin li lagħab 473 darba man-Nerazzurri u kull darba li libes dan il-flokk dejjem ħass ċertu emozzjoni.
Finalment meta mistoqsi dwar jekk jixtieqx jikkowċja lin-Nerazzurri, hu qal li ma jħossux li hu ta’ livell biex imexxi lil dan it-tim iżda kieku jiġi propost li jagħmel dan, jaċċetta bil-qalb kollha.
