Fl-aħħar sigħat waqaf il-kunflitt fis-Sudan. Dan sar wara deċiżjoni li ttieħdet f’nofsillejl bejn il-jum tat-Tnejn u t-Tlieta biex jieqaf id-diżgwid.
Din hija t-tielet darba li l-ġlied twaqqaf wara l-bidu tiegħu aktar kmieni dan ix-xahar.
Is-Segretarju tal-Istat tal-Istati Uniti, Antony Blinken, iddikjara li ntlaħaq ftehim bejn l-armata u l-paramilitari. Dan wara 48 siegħa ta’ negozjati.
Huwa kkalkulat li qrib il-500 persuna nqatlu minn meta beda l-ġlied lura fil-15 ta’ April.
