Hekk kif Chelsea jinsabu qrib li jakkwistaw il-firma tal-attakkant internazzjonali tal-Gabon, Pierre-Emerich Aubameyang, huma se jagħmlu dak kollu possibbli biex sa tmiem dan ix-xahar jiffirmaw ukoll lill-midfielder Olandiż, Frenkie De Jong, biex jagħmlu double għal dawn iż-żewġ players ta’ Barcelona.
Il-ftehim ta’ Aubameyang huwa prattikament magħluq hekk kif fil-jiem li ġejjin dan il-player ta’ 33 sena mistenni jmur fi Stamford Bridge biex jagħmel it-test mediku.
Issa l-attenzjoni se tinxteħet fuq De Jong li huwa wkoll segwit minn Manchester United bir-Red Devils għamlu lil an il-player ta’ 25 sena bħala l-prioritá tas-suq tat-trasferimenti.
Iżda l-problema ta’ De Jong hija li jrid jieħu €17-il miljun f’salarji b’lura miż-żmien tal-pandemija tal-Covid-19 u barra minn hekk mhuwiex interessat li jilaq min-Nou Camp minkejja li d-diriġenti Katalani qed jagħmlu pressjoni biex inaqqas il-paga tiegħu.
