Minn Cristian Muscat
Neptunes…………….10
Sirens……………………9
(3-3, 2-2, 3-1, 2-3)
Neptunes kellhom jitħabtu biex għelbu l-isfida ta’ Sirens bl-iskor strett ta’ 10-9. Din mhux l-ewwel darba li Neptunes kellhom jitħabtu biex għelbu lit-team minn San Pawl il-Baħar meta fil-ġimgħat li għaddew ukoll ħarġu rebbieħa b’distakk ta’ goal wieħed biss, bl-istess Sirens matul il-ġimgħa li għaddiet offrew oppożizzjoni denja wkoll lil San Ġiljan.
Għal Neptunes spikka Jake Muscat li skorja ħames goals bis-solitu Stevie Camilleri ikollu logħba tajba għalihom ukoll hekk kif irreġistra hat-trick personali. Dan filwaqt li għal Sirens l-aqwa skorer kien Matthias Azzopardi li kien qed jilgħab proprju kontra l-ex team tiegħu, fejn skorja wkoll tliet goals.
L-ewwel sessjoni pproduċiet xejn inqas minn sitt goals hekk kif intemmet fi draw ta’ 3-3, bil-goals għal Neptunes jaslu minn Sam Gialanze minn man-up wara li tkeċċa John Napier, Jake Muscat u Alec Fenech. Matthew Sciberras u Matthias Azzopardi (2) bit-tieni goal għalih jasal minn man-up wara li tkeċċa Gabriel Pace wieġbu għal Sirens.
It-tieni sessjoni wkoll intemmet fi draw iżda din id-darba ta’ 2-2, bl-iskorers għal Neptenes ikunu Jake Muscat minn man-up wara li tkeċċa Matthias Azzopardi u Stevie Camilleri wkoll minn sitwazzjoni ta’ player iktar wara li reġa’ tkeċċa Matthias Azzopardi. Il-goals għat-team minn San Pawl il-Baħar waslu minn Matthew Sciberras u Matthias Azzopardi.
Neptunes rebħu t-tielet sessjoni bl-iskor ta’ 3-1, bl-awturi tal-goals ikunu Stevie Camilleri, Jake Muscat (2) biż-żewg goals jaslu minn man-up, l-ewwel meta tkeċċa Matthew Chircop u t-tieni wara li tkeċċa John Napier. Il-goal waħdani għal Sirens wasal minn John Napier.
B’vantaġġ ta’ żewġ goals favur Neptunes, kollox kien għadu miftuħ u kellu jiġi deċiż fir-raba’ sessjoni b’Sirens ikunu huma li joħorġu rebbieħa b’punteġġ ta’ 3-2, permezz ta’ Isaiah Riolo (2) bit-tieni goal għalih jasal minn man-up wara li tkeċċa Sam Gialanze u Jerome Zerafa Gregory ukoll minn sitwazzjini ta’ raġel iktar wara li din id-darba tkeċċa James Spiteri Staines. Stevie Camilleri u Jake Muscat minn penalty wieġbu għal Neptunes.
Neptunes: 1-Alan Borg Cole, 2-Jake Muscat (5), 3-Sam Gialanze (1), 4-Gabriel Pace, 5-Jake Cachia, 6-James Spiteri Staines, 7-Stevie Camilleri (3), 8-Jordan Camilleri, 9-Jeremy Abela, 10-Michael Spiteri Staines, 11-Alec Fenech (1), 12-Mark Castillo, 13-Marco Rossi Coach: Jovan Popovic
Sirens: 1-Thomas Micallef, 2-Paul Serracino, 3-Ken Erdogan, 4-Jacob Sciberras (1), 5-Jerome Zerafa Gregory (1), 6-Ganni Farrugia, 7-Matthew Chircop, 8-Isaiah Riolo (2), 9-John Napier, 10-Mikhael Cutajar, 11-Matthew Sciberras (2), 12-Matthias Azzopardi (3), 13-Matthew Bonello, 14-Gabriel Melillo, 15-Kydon Agius Dupuis Coach: Marko Orlovic
Referees: Fabio Riciotti, Alex DeRaffaele
