Minn Cristian Muscat
Sirens…………….. 8
Neptunes…………..9
(2-2, 3-3, 2-2, 1-2)
F’dik li tista’ titqies bħala l-isbaħ partita u l-aktar waħda akkanita, Neptunes kellhom jitħabtu ferm biex għelbu l-isfida ta’ Sirens bl-iskor strett ta’ 9-8, f’partita li fiha spikka ferm il-goalkeeper ta’ Sirens Thomas Micallef li salva diversi goals ċerti fosthom penalty mogħti minn Stevie Camilleri fir-raba’ sessjoni. Iżda l-istess Camilleri skorja xejn inqas minn ħames goals.
L-ewwel sessjoni spiċċat fi draw ta’ 2-2 b’Camilleri jikseb doppjetta għal Neptunes filwaqt li waqt li Gianni Farrugia u Ken Erdogan wieġbu għal Sirens.
Fit-tieni sessjoni, il-Pawlini baqgħu jżommu l-pass ma’ Neptunes meta skorjaw tliet goals kull wieħed hekk kif għal dawn tal-aħħar skorjaw Stevie Camilleri (2) u Alec Fenech filwaqt li Jerome Zerafa Gregory (2) u Matthew Chircop irrispondew għal Sirens.
Fit-tielet sessjoni baqa’ jirrenja bilanċ assolut hekk kif intemmet fi draw ta’ 2-2 bl-iskorers għat-team mill-Balluta kienu Sam Gialanze u Mark Castillo filwaqt li Jacob Sciberras irreġistra doppjetta personali għat-team minn San Pawl il-Baħar.
Iżda fl-aħħar sessjoni Neptunes għelbu lil Sirens 2-1 biex finalment ħarġu rebbieħa. Il-goals kruċjali waslu minn Stevie Camilleri u Michael Spiteri Staines, waqt li Matthias Azzopardi skorja l-uniku goal għal Sirens.
Sirens: 1-Thomas Micallef, 2-Paul Serracino, 3-Ken Erdogan (1), 4-Jacob Sciberras (2), 5-Jerome Zerafa Gregory (2), 6-Ganni Farrugia (1), 7-Matthew Chircop (1), 8-Isaiah Riolo, 9-John Napier, 10-Mikhael Cutajar, 11-Matthew Sciberras, 12-Matthias Azzopardi (1), 13-Matthew Bonello, 14-Gabriel Melillo, 15-Kydon Agius Dupuis – Coach: Marko Orlovic
Neptunes: 1-Alan Borg Cole, 2-Jake Muscat, 3-Sam Gialanze (1), 4-Gabriel Pace, 5-Jake Cachia, 6-James Spiteri Staines, 7-Stevie Camilleri (5), 8-Jordan Camilleri, 9-Max Farrugia, 10-Michael Spiteri Staines (1), 11-Alec Fenech (1), 12-Mark Castillo (1) Coach: Jovan Popovic
Referees: Antonio Torneo, Peter Balzan
