Minn Cristian Muscat
Ta’ Xbiex…………..14
Otters………………….9
(3-2, 2-1, 5-4, 4-2)
Ta’ Xbiex rebħu logħba pjaċevoli u sa ċertu punt bilanċjata meta għelbu lill-Għawdxin ta’ Otters bl-iskor ta’ 14-9.
Għalihom spikkaw iż-żagħżugħ Jayden Cassar u l-veteran Edward Aquilina li skorjaw ħames goals u erbgħa rispettivament. Dan filwaqt li l-aqwa skorer għal Otters kien Luke Grech Carr bi tliet goals.
Ta’ Xbiex rebħu l-ewwel sessjoni bl-iskor strett ta’ 3-2, bil-goals jaslu minn Edward Aquilina, Jayden Cassar u Jamie Pace Mizzi minn man-up wara li tkeċċa Zion Bartolo. Dan sabiex Luke Grech Carr minn penalty u Karl Scicluna sabu x-xibka ghal Otters.
Ta’ Xbiex rebħu wkoll it-tieni sessjoni b’punteġġ ta’ 2-1 b’Edward Aquilina jirreġistra doppjetta personali għalihom. L-uniku goal għal Otters wasal minn Steve Dimech.
It-team immexxi mill-coach Zoran Maslovar rebaħ it-tielet sessjoni 5-4, bil-protagonisti jkunu Jayden Cassar, Zak Cutajar Licari (2) bl-ewwel goal għalih jasal minn man-up wara li tkecca Steve Dimech u Jayden Cassar (2). Min-naħa l-oħra, l-erba’ goals għal Otters waslu minn David Dimech, Steve Dimech, Andrew Dimech u Luigi Diemch.
Ta’ Xbiex għamlu l-en plain meta rebħu r-raba’ sessjoni bl-iskor ta’ 4-2, bil-goals jaslu minn Elijah Schembri, Edward Aquilina, Jamie Pace Mizzi minn man-up wara li tkeċċa Andrew Dimech u Jayden Cassar. Luke Grech Carr irreġistra doppjetta personali għal Otters.
Ta’ Xbiex: 1-Ryan Coleiro, 2-C. J. Saliba, 3-Edward Aquilina (4), 4-Jamie Pace Mizzi (2), 5-Edward Meli, 6-Sam Engerer, 7-Jacob Saliba, 8-Jayden Cassar (5), 9-Elijah Schembri (1), 10-Zak Cutajar Licari (2), 11-Philip Tabone, 12-Julian Chircop, 13-Zac Dzanovic Coach: Zoran Maslovar
Otters: 1-Matthew Xerri, 2-Matthias Bonnici, 3-Karl Scicluna (1), 4-Luke Grech Carr (3), 5-Matthew Farrugia, 6-David Dimech (1), 7-Isaac Azzopardi, 8-Steve Dimech (2), 9-Luigi Dimech (1), 10-Simon Apap, 11-Zion Bartolo, 12-Andrew Dimech (1), 13-Giovanni Gatt Ellis, 14-Kenneth Micallef Coach: Paul Dimech
Referees: Fabio Ricciotti, Massimo Angileri