L-Assoċjazzjoni Maltija tal-Weightlifting ospitat b’suċċess it-Tazza tal-Unjoni Ewropea u l-Kampjonat Internazzjonali Junior Open ta’ Malta fil-Kumpless Sportiv tal-Marsa, fejn ġabret flimkien atleti minn 21 pajjiż li kkompetew fi tliet kategoriji ta’ età—Taħt il-15-il sena, Taħt is-17-il sena, u Taħt l-20 sena – kemm għas-subien kif ukoll għall-bniet.
Iċ-ċerimonja tal-ftuħ tmexxiet minn Charles Camenzuli, President tal-AIPS Europe, li tkellem dwar it-tkabbir u l-iżvilupp kostanti tal-weightlifting Malti matul is-snin. Saru rimarki addizzjonali mis-Segretarju Ġenerali tal-EWF, Dr. Milan Mihajlovic, li enfasizza l-importanza ta’ dawn l-avvenimenti, faħħar il-professjonaliżmu tal-organizzaturi, u esprima t-tama li Malta dalwaqt ikollha l-opportunità li tospita l-Kampjonati Ewropej.
Jesmond Caruana, President kemm tal-Assoċjazzjoni Maltija tal-Weightlifting kif ukoll tal-Konfederazzjoni tal-Weightlifting tal-Unjoni Ewropea, irringrazzja lin-nazzjonijiet parteċipanti kollha għall-impenn tagħhom. Huwa enfasizza li s-suċċess tal-kompetizzjonijiet kien possibbli permezz ta’ tim dedikat ta’ voluntiera li x-xogħol iebes tagħhom żgura ospitalità eċċezzjonali u operazzjonijiet bla xkiel tal-avvenimenti. Huwa estenda wkoll il-gratitudni tiegħu lil SportMalta u l-MTA għall-appoġġ kontinwu tagħhom.
Dr. Astrit Hasani, President tal-Federazzjoni Ewropea tal-Weightlifting, faħħar lill-Assoċjazzjoni Maltija tal-Weightlifting, fejn esprima ammirazzjoni għal kif federazzjoni żgħira setgħet twassal avveniment ta’ standard organizzattiv daqshekk għoli u attenzjoni għad-dettall.
Il-kompetizzjonijiet kellhom prestazzjonijiet individwali u tat-tim eċċellenti. Franza rebħet it-titlu tal-Aqwa Tim fit-Tazza tal-UE, filwaqt li Iżrael assigura r-rebħa fil-Malta International Junior Open.
L-atleti Maltin taw prestazzjonijiet qawwija madwar il-kompetizzjoni.
· Nathan Mifsud refa’ total ta’ 203kg (310 punt), u rebaħ il-fidda fit-Tazza tal-UE ta’ taħt il-15-il sena u d-deheb fil-Malta International Open. Huwa kiseb ukoll il-bronż fl-avveniment tad-doppji flimkien ma’ Emily Livori.
· Kim Camilleri Laganà refgħet 164kg (242 punt), u kisbet il-bronż fit-Tazza tal-UE ta’ taħt is-17-il sena u d-deheb fil-Malta International Open. Hija kisbet ukoll il-bronż fid-doppji ma’ Gabrielle Frendo.
Riżultati notevoli oħra għat-Tim ta’ Malta inkludew:
· Luke Stefan Micallef – 202kg / 296 punt
· Nathaniel Fenech – 220kg / 276 punt
· Aaliyah Gatt – 163kg / 208 punt
· Kaya Curmi Inguanez – 131kg / 196 punt
Sfortunatament, tnejn mill-aqwa lifters ta’ Malta u r-rebbieħa tal-edizzjonijiet preċedenti, Tenisha Thornton u Rylee Borg, ma setgħux jikkompetu hekk kif komplew l-irkupru tagħhom minn injury.