West Ham jistgħu jneħħu lil Lopetegui fi tmiem il-ġimgħa jekk jiġi riżultat negattiv
West Ham United qed jaraw jekk għandhomx jikkunsidraw li jneħħu lill-kowċ Spanjol Julen Lopetegui jekk għada tasal telfa fil-kampjonat Premier Ingliż kontra Everton. Il-Hammers jinsabu fl-14-il post tal-klassifika bil-forma tagħhom li xejn ma tidher tajba meta sofrew ħames telfiet mill-aħħar għaxar logħbiet.
B’hekk Lopetegui se jkun taħt pressjoni li jrid jikseb ir-riżultat għax inkella ż-żmien tiegħu f’Londra jista’ jispiċċa ħesrem.
