Hekk kif il-kowċ ta’ Manchester United Erik Ten Haag neħħa l-faxxa ta’ captain lill-aktar difensur imħallas fl-istorja tal-futbol Ingliż Harry Maguire, hemm diversi xnigħat x’jista’ jkun il-futur tiegħu.
Dan tal-aħħar qed jissemma’ li jista’ jingħaqad ma’ West Ham United li qed ifittxu eredi għal Declan Rice li ħalla lill-klabb.
Fl-istess waqt, ir-Red Devils mhux se jaċċettaw li l-plejer jitlaq fuq bażi ta’ self hekk kif iridu jbigħu bl-ewwel offerta ta’ €20 miljun mingħand il-Hammers li ġiet rifjutata.
Sadanittant l-istess West Ham qed jinteressaw ruħhom fi plejer ieħor ta’ Manchester United u dan hu Scott McTominay.
