Persuni li għandhom mudelli antiki ta’ iPhone u Android mhux se jkunu jistgħu jużaw aktar WhatsApp wara l-31 ta’ Diċembru ta’ din is-sena jekk mhux se jagħmlu update.
WhatsApp ħabbru li se jieqaf jiffunzjona fuq 49 għamla ta’ mobile, inklużi l-iPhone 5 u 5c flimkien ma’ diversi mudelli Android minn Samsung, Huawei u LG.
Dawk li mhux se jkunu jistgħu jibqgħu jużaw il-mobiles se jiġu nnotifikati b’messaġġ qabel mal-app tieqaf taħdem.
Il-kumpanija li topera WhatsApp spjegat li s-softwers jinbidlu spiss, għalhekk huma jirrevedu r-regolamenti. Intqal li l-mobiles jista’ jkun li ma jkollhomx l-aħħar aġġornamenti tas-sigurtà.
“Biex taġġorna l-mobile fuq iPhone trid tmur fis-settings ‘ġenerali’ u agħżel ‘aġġornament tas-software” qalet WhatsApp.
