Id-difensur ċentrali ta’ Arsenal, William Saliba, ikkonferma x-xewqa tiegħu li jibqa’ mal-club u jipprova jidħol fl-ewwel team fil-pre-season.
Iż-żagħżugħ ta’ 21 sena għadu qed jistenna l-ewwel dehra tiegħu mat-team tal-kbar tal-club minn Londra wara li kien ingħaqad mal-Gunners fi ftehim ta’ £27m mingħand Saint-Etienne fis-sajf tal-2019.
Saliba ntbagħat b’self ma’ Les Verts, Marseille u Nice f’dak iż-żmien, filwaqt li għamel biss il-bank tar-riservi tat-team immexxi mill-manager Spanjol Mikel Arteta u lagħab tmien darbiet mat-team ta’ taħt it-23 sena tal-Gunners.
