Diversi gazzetti Spanjoli diġa’ qed jispekulaw min jista’ jkun is-suċċessur tal-kowċ Carlo Ancelotti ma’ Real Madrid ġaladarba jirtira minn din il-kariga. Fil-fatt l-ispekulazzjoni waqgħet fuq Xabi Alonso li attwalment qed imexxi lil Bayer Leverkusen. Dan tal-aħħar għamel miraklu sportiv fl-istaġun li għadda hekk kif għen lit-tim tiegħu jirbħu l-Bundesliga wara ħafna żmien.
Bosta ġurnalisti qed jgħidu li Alonso għandu l-kredenzjali neċessarji sabiex jieħu r-riedni ta’ Los Blancos f’idejh.
