It-tim ta’ Klassi Għalina, il-programm ta’ sartira tant segwit qiegħed jibki t-telfa ta’ wieħed mill-atturi.
Gino Vella li kien jinterpreta l-parti ta’ Wenzu l-barmen ħadem fl-ewwel żewġ staġuni tal-programm u f’tislima fuq il-paġna tagħhom huma fakkruh bħala bniedem b’karattru ċajtier u eżemplari.
Fil-messaġġ tagħhom huma qalu li din hija aħbar kerha għal kull wieħed minnhom u wasslu l-kondoljanzi tagħhom lill-familja u l-ħbieb kollha ta’ Gino.
