Il-coach ta’ Barcelona, Xavi rrifjuta ċ-ċans li jakkwista lil Donny van de Beek mingħand Manchester United.
L-internazzjonali Olandiż sab ix-xibka kontra Watford fi tmiem il-ġimgħa iżda konsistentement tħabat għall-opportunitajiet taħt Ole Gunnar Solskjaer.
Wieħed irid jara kif bidla fit-tmexxija tal-club se tħalli impatt fuq il-fortuni ta’ Van de Beek mal-United, iżda għadu qed ikun marbut b’mod wiesa’ ma’ tluq minn Old Trafford fl-2022.
Barcelona jinsabu favoriti li jakkwistaw lill-ex player ta’ Ajax iżda Xavi m’għandu l-ebda interess li jġibu fil-Katalunja.
Il-coach tal-Blaugrana huwa diġà sodisfatt bl-għażliet tiegħu f’nofs il-ground u jippreferi jipprijoritizza oqsma oħra tal-ground, bħall-attakk li ntlaqat minn diversi injuries.
Il-goal ta’ konsolazzjoni ta’ Van de Beek kontra Watford kien biss it-tieni goal tiegħu minn 42 logħba għal United, u l-ftehim tal-player ta’ 24 sena mar-Red Devils jiskadi fl-2025.