Rigward il-bajjiet se jkun qed isir tindif kuljum. L-operaturi huma mitlubin li ma jarmawx qabel isir dan it-tindif.
Dawk li jkunu se jmorru fuq il-bajjiet huma ssuġġeriti li jirriżervaw post mingħand l-operaturi tad-deckchairs.
Il-bins se jkunu qed jitnaddfu darbtejn kuljum u t-toilets se jkunu qed jitnaddfu kull siegħa. Mhux se jkunu permessi li jiġu installati portable toilets u showers fuq il-bajjiet.
Massimu ta’ sitt persuni se jkunu qed jitħallew jużaw changing rooms jew f’public toilets.
L-awtorità tat-turiżmu ħarġet sejħa għal supervisers li se jkunu qed jedukaw lill-pubbliku dwar id-direttivi maħruġa mid-Direttur tas-Saħħa Pubblika.
Filwaqt li ntqal li mhix ix-xewqa li jkun hemm uffiċjali tal-infurzar li jinżlu u jimmultaw lil dawk li ma josservawx dawn il-miżuri, din hija possibbilità li tista’ sseħħ biex tkun garantita s-saħħa pubblika.
Aqra wkoll:
