Fl-aħħar jiem kienu għaddejjin preparamenti sħaħ b’rabta ma’ dan il-ġuri, fejn deċiżjoni mill-aktar importanti ittieħdet mill-Imħallef. Dan issa se jippermetti li l-allegata konfessjoni ta’ suspettat ta’ Lockerbie tintuża f’dan il-proċess. L-allegata konfessjoni minn suspettat fit-traġedja ta’ Lockerbie se tkun permessa bħala evidenza fi proċess. L-avukati ta’ Abu Agila Mas’ud Kheir Al-Marimi kienu talbu biex id-dikjarazzjoni kkontestata tiġi ddikjarata inammissibbli, u sostnew li kienet falza u magħmula taħt pressjoni. Iżda d-dokument issa se jifforma parti ċentrali mill-każ tal-prosekuzzjoni meta l-proċess pospost jibda fi żmien qasir f’qorti federali f’Washington.
Il-Libjan Al-Marimi, magħruf ukoll bħala Masud, ċaħad li għamel u pprepara l-bomba li splodiet abbord il- Pan Am. Grupp li jirrappreżenta qraba ta’ vittmi Amerikani tal-atroċità ddeskriva d-deċiżjoni tal-imħallef bħala riżultat bħala “pass ieħor fil-ġlieda twila tagħna għall-ġustizzja”.
L-eżistenza tal-allegata konfessjoni ta’ Al-Marimi ġiet żvelata għall-ewwel darba fl-2020 meta l-gvern tal-Istati Uniti ħabbar li kien qed jakkużah li għamel il-bomba. Ilment kriminali tal-FBI qal li kien ammetta liberament l-involviment tiegħu meta ġie interrogat minn uffiċjal tal-pulizija f’faċilità ta’ detenzjoni Libjana fis-sena 2012. Jingħad li Al-Marimi qal lill-uffiċjal li aġixxa flimkien ma’ membri sħabu tas-Servizz Sigriet Libjan, taħt l-ordnijiet ta’ uffiċjali għolja. Skont ir-rakkont tal-uffiċjal, Al-Marimi qal li ttrasporta l-bomba moħbija f’bagalja mil-Libja għal Malta, fejn iltaqa’ ma’ żewġ kompliċi.
Wieħed minnhom kien Abdulbasset Al Megrahi, l-aġent Libjan li nstab ħati li kellu rwol ċentrali fil-pjan fl-ewwel proċess ta’ Lockerbie 25 sena ilu. Jingħad li t-tieni wieħed kien Al Amin Khalifa Fhimah, eks uffiċjal tal-Linja tal-Ajru Għarbija Libjana li kien ġie lliberat mill-Qorti Skoċċiża.
L-uffiċjal kien qal li Al-Marimi ammetta li ssettja t-timer tal-bomba sabiex l-isplużjoni sseħħ 11-il siegħa wara, qabel ma għadda l-bagalja lil Fhimah fl-ajruport Malti. L-allegazzojni kienet tgħid li Fhimah poġġieha fuq conveyor belt, u introduċa l-bagalja mhux akkumpanjata fis-sistema internazzjonali tal-bagalji, immarkata biex tittajjar lejn l-Istati Uniti.
Aktar tard dak il-lejl, f’31,000 pied, splodiet fil-istiva ta’ quddiem tal-Pan Am 103.
Allegatament, Al-Marimi kien sostna li aktar tard feraħ personalment lid-dittatur Libjan, il-Kurunell Gaddafi, talli wettaq “dmir nazzjonali kbir” kontra l-Amerikani.
Qiegħed jingħad li l-qorti ta’ Washington semgħet li l-uffiċjal tal-Pulizija Libjan – imsejjaħ Jamal – żamm dokument miktub bl-idejn li fih il-konfessjoni u kopja tad-dikjarazzjoni f’kaxxaforti f’daru. Fl-2015, hu għaddihom lill-Uffiċċju tal-Avukat Ġenerali Libjan, li ta kopja tal-konfessjoni lill-uffiċjali tal-Pulizija Skoċċiżi u lill-prosekuturi sentejn wara. Huma għaddewha lill-Amerikani.
It-tim tad-difiża li jirrappreżentaw lil Al-Marimi talbu biex il-konfessjoni allegata tiġi eskluża mill-proċess tiegħu. Jamal ta xhieda personalment f’seduta fl-Istati Uniti hekk kif l-imħallef Dabney Friedrich ikkunsidra jekk id-dikjarazzjoni għandhiex tiġi permessa bħala evidenza.
Jamal issa jidher li se jissejjaħ bħala xhud fil-proċess.