Żewġt irġiel kellhom jittieħdu l-Isptar wara li weġġgħu f’inċidenti separati tat-traffiku matul il-jum tas-Sibt.
L-ewwel inċident seħħ għall-ħabta tas-1:15 p.m, fi Triq Sant’ Antnin, Marsaskala. Mill-ewwel stħarriġ irriżulta li seħħet ħabta bejn mutur Honda misjuq minn raġel ta’ 56 sena residenti Marsaskala u Mitsubishi Outlander, li kien qed jinstaq minn mara ta’ 34 sena residenti l-Fgura.
It-tieni inċident seħħ għall-ħabta tas-6:30 p.m, fi Triq ir-Rabat, iż-Żebbuġ, Għawdex. Mill-istħarriġ li sar irriżulta li kienet seħħet ħabta bejn mutur Kawasaki misjuq minn raġel ta’ 32 residenti n-Nadur u Fiat 500 li kienet qed tinstaq minn mara ta’ 26 sena residenti x-Xagħra.
Tim mediku ta’ l-assistenza fiż-żewġ inċidenti u sewwieqa tal-muturi ttieħdu fi sptarijiet rispettivi b’ambulanza, fejn ġew iċċertifikati li weġġgħu gravi.
L-investigazzjonijiet tal-Pulizija għadhom għaddejjin.
