Żewġt anzjani sofrew xi ġrieħi wara li lbieraħ għall-ħabta tat-3:30 p.m kienu involuti f’argument li seħħ fi Triq il-Ferrovija fil-Ħamrun.
Minn stħarriġ illi sar irriżulta li raġel ta’ 66 sena residenti Bormla kien involut f’argument ma’ raġel ieħor ta’ 71 sena residenti l-Fgura.
Ir-raġel ta’ 66 sena ġie assistit minn tim mediku u ttieħed l-Isptar Mater Dei b’ambulanza u kien iċċertifikat bi ġrieħi ħfief.
Ir-raġel l-ieħor, ta’ 71 sena mar f’ċentru tas-saħħa u aktar tard kien iċċertifikat bi ġrieħi gravi.
L-investigazzjonijiet tal-Pulizija għadhom għaddejjin.